HR- og økonomimedarbeidar

Vil du vere med å gjere ein forskjell?

Nav hjelpemiddelsentral Vestland, Bergen har ledig ei fast 100 % stilling som HR- og økonomimedarbeidar. Vi ser etter deg som brenn for gode tenesteopplevingar og Nav sitt samfunnsoppdrag.

Som HR- og lønnsmedarbeidar vil du ha ei sentral rolle knytt til arbeid med personaladministrative oppgåver og økonomistyring. Du vil vere ein viktig ressurs som kombinerer strategisk HR-kompetanse med god økonomiforståing. Du meistrar fakturabehandling, samtidig som du fungerer som saksbehandlar i løpande personalarbeid knytt til lønn, sjukdom, ferie og pensjon. I tillegg vil du vere ein viktig ressurs for leiinga i strategiske personalspørsmål og økonomiske avgjersler.

Nav hjelpemiddelsentral Vestland, Bergen har ca. 120 tilsette og held til på Kokstad i Bergen. Hjelpemiddelsentralen har eit overordna ansvar for forvaltning og formidling av tekniske hjelpemiddel for personar med funksjonsnedsetting, rådgjeving innan hjelpemiddel og tilrettelegging på arbeidsplassen, og tolketenester for døve og døvblinde.

Vi er organisert under Nav hjelpemiddel og tilrettelegging, som består av ca. 1300 tilsette og 14 hjelpemiddelsentralar på landsbasis. Vi er eit ressurs- og kompetansesenter med brei kunnskap om ulike funksjonsnedsettingar og korleis tilrettelegging, hjelpemiddel og teknologi kan fremje funksjon, aktivitet og samfunnsdeltaking for alle. Tilsette ved hjelpemiddelsentralen har brei fagleg bakgrunn og vi løyser oppgåvene gjennom tett tverrfagleg samarbeid. Vi gjev bistand til brukarar, kommunar, arbeidsgivarar og andre samarbeidspartnarar gjennom rådgjeving, opplæring og tilrettelegging.