Erfaring frå IPS?Då er du kanskje du vår nye metoderettleiar

Er du ein nettverksbyggar som vil hjelpe menneske i arbeid og jobbe med fagutvikling? Individuell jobbstøtte (IPS) er ein modell for tett oppfølging av personar med psykiske helseproblem eller rusutfordringer som ønsker arbeid, og som treng behandling samtidig med arbeidsretta bistand. Målet er å legge til rette for at menneske med samansette utfordringar skal få, behalde og stå i ordinær utdanning eller lønna arbeid.

Vi søker no ein metoderettleiar med pågangsmot og fagleg engasjement til IPS-teamet i region Nordhordland. Som metoderettleiar vil du ha den faglege oppfølginga av eit IPS-jobbspesialistteam, drive resultat og prosessrettleiing i teamet og vere pådrivar for jobbspesialistane sitt marknadsarbeid. Du vil bli involvert i samarbeidsrelasjonar med aktuelle aktørar som helseteneste, fastlege og utdanningsinstitusjonar. Metoderettleiar skal i tillegg vere aktiv jobbspesialist med eigen portefølje på inntil 10 personar.

Du vil bli tilsett ved Nav Alver med kontorplass kontorplass både på Nav Alver og i Alver kommune, avdeling for helse og rus. I region Nordhordland er det to andre IPS-jobbspesialistar som du følger opp, og dei har kontorplass på Nav Alver og på DPS Knarvik.

Søk stilling hos oss, og du vil få jobbe i et engasjerande og godt arbeidsmiljø med stor fagleg bredde og utviklingsfokus. Erfaring frå IPS vil bli vektlagt, og i søknadsteksten ber vi deg forklare kva som motiverer deg til å søke på denne stillinga.